Ir o contido principal

Do Tempo das Luces

O Proxecto

Velaquí o primeiro achegamento á historia gráfica de Paradela e as súas xentes. O magnífico traballo de recolla da ASOCIACIÓN DE MULLERES DE PARADELA, presidida por Rocío Domínguez Brea, a achega de fondos gráficos municipais, a asesoría do GRUPO FOTOCINEMATOGRÁFICO FONMIÑÁ, e a organización do COLECTIVO EGERIA, fan posible que incorporemos esta senlleira exposición ás actividades que o Concello de Paradela promove nesta especial celebración do seu bicentenario.

Información sobre o proxecto

Escola de Vilachá

O Tempo das Luces

Daquela -era mozo o século XX- nacía esta arte-ciencia da fotografía que permitiu gardar anacos de historia á que facía visible, deixando constancia documental gráfica, e por iso coidamos axeitado que con motivo deste especial aniversario mostrásemos imaxes de Paradela e da vida das súas xentes que reviven recordos, lembran persoas, divulgan actualidades que xa son historia, facendo historia colectiva e persoal, parcial pero excepcionalmente valiosa, da terra de Paradela.

Paradela 200 anos

Imaxes do Pasado e do Presente

Co especial agradecemento a quen prestou fotos, ás que as recolleron e agarimaron, ás institucións que fixeron posible esta mostra, e a todos os que no decurso do tempo fixeron grande e forte este concello, desexo para paradelenses e amigos que nos visiten o maior goce de todas as actividades que celebremos con motivo do noso primeiro bicentenario, agardando que esta publicación que fala dos nosos devanceiros e de nós mesmos, reforce o traballo do noso pobo polo progreso desta terra, e o goce diario de vivir nunha terra con historia, con traballo, con vida e con futuro.

Os Paneis

Queres saber máis?

Contacta con Nós