Ir o contido principal

Os 9 anos de Fraguas en Lugo

O Proxecto

Convocados polo profesor Manuel Regueiro Tenreiro, que tivo gran relación profesional e persoal con don Antonio Fraguas, xuntaron lembranzas o historiador Antonio Prado Gómez (ao que nada do antigo “Instituto Masculino de Lugo” lle é alleo), e os antigos alumnos do vello profesor, Paco Martín, Xulián Parga e Xulio Xiz, para –por serlle dedicado a Fraguas o Día das Letras Galegas do ano 2019– facer un achegamento á pegada que o Mestre Fraguas deixou na cidade das murallas, e en todos os que tivemos / tiveron a sorte de telo por docente e amigo.

Web do Proxecto

Información na web do Colectivo Egeria

Ver libro "Os nove anos de Fraguas en Lugo"

Fraguas novo

Libro, exposición, web...

Este proxecto está composto polo libro “Os nove anos de Fraguas en Lugo”, que recolle textos dos promotores desta iniciativa, e doutros amigos e antigos alumnos de Antonio Fraguas, sobre os nove anos que este pasou en Lugo, e da fonda pegada que deixou neles e na sociedade lucense; unha exposición itinerante, composta por doce paneis, nos que se resumen os contidos do libro, e que nos vindeiros meses percorrerá toda Galicia; e a web fraguasenlugo.org, que recolle todas os contidos da publicación en papel.

O proxecto "OS NOVE ANOS DE FRAGUAS EN LUGO” conta coa colaboración de GaliciaDigital e co apoio da Xunta de Galicia.

xantar

Nove magníficos anos en Lugo

Neste “Ano Antonio Fraguas”, todos traballaremos para lembrar e loar a figura do entrañable profesor e gran galego que nos ensinou a practicar unha introspección vital para chegar a saber quen somos, de onde vimos, e onde queremos ir.

Neste lembrar e loar, “os de Lugo” teñen moito que dicir porque foron dos primeiros en beneficiarse da sapiencia e bonhomía do Mestre galego por excelencia, que non só deixou alí alumnos magnificamente encamiñados de cara ao futuro senón unha morea de amigos que, sesenta anos despois da súa marcha da cidade, manteñen viva a súa lembranza e agarimo coma o día que se despediu da cidade.

De todo o que de Fraguas se diga nas múltiples celebracións e publicacións, hónrame dar a benvida a este madrugador libro que os seus antigos alumnos –e polo tanto amigos- de Lugo, publican na honra do que chegan a chamar “San Fraguas”.

Román Rodríguez González
Conselleiro de Cultura e Turismo da Xunta de Galicia

Os Paneis

Queres saber máis?

Contacta con Nós